فیس بک میسنجر میں نئے فیچرز کا اضافہ

فیس بک نے آئی او ایس اور اینڈرائیڈ موبائل  ایپس میں میسنجر ویڈیو کالزکیلئے اسکرین شیئرنگ فیچر کا اضافہ کر دیا

اب میسنجر ویڈیو کال کے دوران  صارف  اپنے دوست کے ساتھ کیمرا رول سے اسکرول یا اکٹھے سوشل میڈیا سرفنگ کرسکتےاور اس کے لئے ویب یا ڈیسک ٹاپ کی ضرورت نہیں 

فیس بک کے مطابق یہ دلچسپ فیچر صارفین کے باہمی رابطہ میں مددگار ثابت ہو رہا ہے

یہ  شیئرنگ کا فیچر ورک پلیس رومز کے لیے بھی دستیاب ہوگا

 کمپنی کی طرف سے رواں سال مئی میں پیش کیا جانے والا یہ فیچر دنیا بھر کے صارفین کے لئے دستیاب ہے 

کرونا وائرس کی وجہ سے دنیا بھر میں ویڈیو کالز کی شرح میں اضافہ کے پیش نظر اس فیچر کو متعارف کروایا گیا ہے اس سے میسنجر روم میں 50 افراد بیک وقت ویڈیو چیٹ کرسکتے ہیں

میسنجر روم میں آپ۰ ان لمٹڈ ویڈیو چیٹس کر سکتے ہیں اور کسی بھی فون یا کمپیوٹر پر کسی بھی چیٹ کا حصہ بن سکتے ہیں اور وہ بھی بغیر فیس بک اکاونٹ کے 

 میسنجر روم میں پرائیویسی کو محفوظ بنانے کے لیے بھی کچھ اقدامات کیے گئے ہیں

میسنجر روم کو بنانے والے غیر ضروری افراد سے بچنے کے لئے اس روم  کو لاک کرسکتے ہیں اور چیٹ میں شامل افراد کو نکالا یا بلاک کیا جاسکتا ہے اس کے ساتھ ساتھ فیس بک کے اصولوں کی خلاف ورزی کرنے والے صارفین کی رپورٹ بھی کی جاسکتی ہے

کمپنی کا کہنا ہے کہ صارفین چاہے میسنجر روم کو فیس بک اکاؤنٹ سے استعمال کریں یا مہمان کے طور پر  کمپنی ان آڈیو یا ویڈیو کالز کونہ تو سن سکتی ہے اور نہ ہی دیکھ سکتی ہے

فیس بک آنے والے دنوں میں میسنجر رومز میں مزید فیچرز کا اضافہ کرے گا