ٹائم کیٹل ایم 2 دنیا کا پہلا آف لائن مترجم ایئربڈ

 اب ایسے بہت سے آلات اور ہیڈ فون مارکیٹ میں آ چکے ہیں جو ایک سے دوسری زبان میں ترجمہ کر سکتے ہیں اور ان میں سے زیادہ تر آلات کے لئے انٹرنیٹ کنکشن کی ضرورت پڑتی ہےجوکہ ہر جگہ دستیاب نہیں ہوتا لیکن اب ایک ایسا ہیڈفون بنایا گیا ہے جو انٹرنیٹ کنکشن کے بغیر بھی بہت سی زبانوں کا بخوبی ترجمہ کر سکتا ہے۔

اس ایئربڈ کا نام ٹائم کیٹل ٹو   ہے جس پر 2017 سے تحقیق جاری ہے۔ اب یہ ایئربڈ بغیر   انٹرنیٹ کنکشن کے  انگریزی سے چینی- جاپانی- فرانسیسی اور کوریائی زبانوں میں ترجمہ کرنے کے ساتھ ساتھ 6 زبانوں کا انگریزی ترجمہ بھی کر سکتا ہے۔

اس کے ساتھ ساتھ ان ائیربڈز سے موسیقی بھی سنی جاسکتی ہے کیونکہ یہ اعلیٰ معیار کی اسٹیریو آواز خارج کرتا ہے۔ اس سے پہلے اسی کمپنی نے ایک لائیو ٹرانسلیٹر بنایا تھا جسے آن لائن خریدوفروخت کے سب سے بڑے پلیٹ فارم ایمیزون پر تین لاکھ افراد کی تائید حاصل  تھی اور اس کے بعد آب آف لائن ورژن لانچ کیا گیا ہے۔

وائی فائی یا سیل فون نیٹ ورک کے ساتھ ٹائم کیٹل ٹو 93 زبانوں اور لہجوں میں ترجمہ کرنے کی صلاحیت رکھتا ہے ۔  ان ایئربڈ پر آپ فون کال بھی وصول کرسکتے ہیں جس کے لیے ایک ایپ بھی بنائی گئی ہے۔  بولنے والے کی رفتار جیسی بھی ہو اس کا خاص سینسر تمام الفاظ کو محسوس کرکے انہیں اپنے سافٹ ویئر میں بھیجتا ہے اور ترجمہ سناتا  ہے۔  آپ کو ایسا لگتا ہے کہ آپ دنیا کی مختلف زبانیں بولنے والوں سے قدرتی انداز میں بات کررہے ہیں۔

اس کی حساسیت بڑھا کر اپنے اردگرد بولنے والے لوگوں کی باتوں کو بھی اپنی زبان میں ترجمہ کرکے سنا جا سکتا ہے۔ یہ  کاروباری حضرات اور سیاحت سے وابستہ لوگوں کے لیے بہت مددگار ثابت ہوتا ہے۔ سب سے دلچسپ  بات یہ ہے کہ جب اسے مختلف زبانوں کی خبروں اور فلموں پر آزمایا گیا تو اس انے درست ترین ترجمہ پیش کیا۔

ٹائم کیٹل ٹو  سے ترجمہ شدہ گفتگو فون پر بھی سنی جاسکتی ہے
اس کی قیمت 69 ڈالر ہے